Avropa Birliyi (AB) Suriyada Bəşər Əsəd rejiminə qarşı sanksiya siyahısını genişləndirib.
AzNews.az xarici mediaya istinadən xəbər verir ki, Suriyanın 8 iş adamı və 2 şirkəti “qara siyahı”ya salınıb. Siyahıya salınanlar Suriyadan qaçqın düşmüş vətəndaşların ərazilərində Əsəd rejiminin mənfəətinə xidmət edən layihələr hazırladıqları üçün sanksiya siyahısına daxil ediliblər.
Beləliklə də, AB-nin mal varlığını dondurduğu və səyahət qadağası qoyduğu suriyalıların sayı 277-yə, şirkətlərin sayı isə 71-ə yüksəlib.