Sabah Bakıda atəşfəşanlıq olacaq

27 May 2013 10:22 (UTC+04:00)


Sabah Bakıda Respublika Gününün 95 illiyinə həsr olunmuş bayram konserti və atəşfəşanlıq olacaq.

Trend-in məlumatına görə, Bakı Şəhər İcra Hakimiyyətindən bazar ertəsi bildirilib ki, mayın 28-də Milli Parkın ərazisində Saat Qülləsinin yanında incəsənət ustalarının iştirakı ilə təşkil olunan konsert saat 21.00-da başlayacaq və saat 23.00-da möhtəşəm atəşfəşanlıq olacaq.

Bakı Şəhər İcra Hakimiyyəti şəhər sakinlərini bayram konsertinə və möhtəşəm atəşfəşanlığı seyr etməyə dəvət edir.

AzNews.az