Bakıda 22 yaşlı gəlinin meyiti tapıldı

31 May 2020 12:34 (UTC+04:00)

Bakıda 22 yaşlı qadın evdə dəm qazından zəhərlənərək ölüb.

AzNews.az-ın verdiyi xəbərə görə, Nəsimi rayonunda 1998-ci il təvəllüdlü Aydan Allahverdiyeva mayın 30-u saat 16 radələrində çimmək üçün hamama girib. 15 dəqiqə sonra gəlinin çıxmadığını görən qayınanası Kəmalə Hacıyeva qapını döyüb və qız cavab verməyib. Bu səbəbdən o, qapının kilidini sındıraraq içəri girib. Orada Aydanın meyitini uzanılı vəziyyətdə aşkar edib.

Meyitin müayinəsi üçün məhkəmə tibb ekspertizası təyin olunub, faktla bağlı cinayət işi başlanılıb.