Ermənistanda koronavirusa yoluxanların sayı 27 320 nəfərə çatıb.
AzNews.az-ın erməni KİV-lərinə istinadən məlumatına görə, son sutka ərzində 662 nəfərdə infeksiyaya yoluxma faktı aşkarlanıb. Bundan başqa, ötən gün 10 nəfərin ölümü qeydə alınıb.
Bugünədək Ermənistanda 469 nəfər koronavirusdan ölüb, 11 367 nəfərin müalicəsi isə davam edir.
Qeyd edək ki, ölkədə martın 16-dan elan edilən fövqəladə vəziyyət iyulun 13-dək uzadılıb.