BMT Dağlıq Qarabağdakı vəziyyətlə bağlı təcili iclas keçirəcək

29 Sentyabr 2020 04:25 (UTC+04:00)

BMT Təhlükəsizlik Şurası Dağlıq Qarabağda vəziyyətlə bağlı qapalı formatda təcili müzakirələr keçirməyi planlaşdırır.

AzNews.az “Report”a istinadən xəbər verir ki, görüş təşəbbüsü ilə bir sıra Avropa ölkələri çıxış edib.

"Çox güman ki, müzakirə çərşənbə axşamı qapalı formatda məsləhətləşmələr zamanı baş tutacaq", - deyə bildirilir.

Məsləhətləşmələrdə Təhlükəsizlik Şurası ölkələrindən 15 diplomat iştirak edəcək.