Qırğızıstan, Macarıstan və Türk Şurasının Qarabağla bağlı birgə mövqeyi

1 Oktyabr 2020 23:54 (UTC+04:00)

Qırğız Respublikasının Prezidenti Sooronbay Jeenbekov Macarıstana rəsmi səfəri çərçivəsində Macarıstanın Baş Naziri Viktor Orbanla birlikdə Türk Şurasının Budapeşt Ofisini ziyarət edib. Ofisdə Türk Şurasının Baş katibi Bağdad Amreyevin də iştirakı ilə üçtərəfli görüş keçirilib.

AzNews.az xəbər verir ki, tərəflər görüş zamanı Ermənistan-Azərbaycan Dağlıq Qarabağ münaqişəsinə dair fikir mübadiləsi aparıb və münaqişənin Azərbaycan Respublikasının suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı əsasında tezliklə həllinin əhəmiyyəti ilə bağlı mövqelərini bir daha təkrarlayıblar.