Türkiyə Müdafiə Nazirliyi: “Ermənistan dünyanın gözü qarşısında hərbi cinayət törədir”

8 Oktyabr 2020 20:11 (UTC+04:00)

Dinc sakinlərə təcavüz edərək bütün dünyanın gözü qarşısında hərbi cinayət törədən Ermənistan öz tarixinə daha bir qara ləkə əlavə edib.

AzNews.az xəbər verir ki, bu barədə Türkiyə Milli Müdafiə Nazirliyinin “Twitter” səhifəsində yazılıb.

“Ermənistan işğal etdiyi Dağlıq Qarabağı dərhal boşaltmalı və törətdiyi insanlığa qarşı cinayətin bədəlini ödəməlidir!”, - paylaşımda qeyd olunub.

Paylaşıma həmçinin Ermənistan silahlı qüvvələrinin Gəncə şəhərini raket atəşinə tutmasının videosu da əlavə edilib.