İrlandiyada son sutka ərzində koronavirusa yoluxanların sayı rekord həddə – 1 546 nəfər artıb.
AzNews.az “TASS”a istinadən xəbər verir ki, bu barədə ölkənin Səhiyyə Nazirliyi bildirib.
Həmçinin son 24 saatda 9 ölüm halı qeydə alınıb.
İrlandiyanın baş sanitar həkimi Toni Holohan bir daha vətəndaşları ayıq-sayıq olmağa və sosial distansiya qaydalarına riayət etməyə çağırıb.
Pandemiyanın başladığı vaxtdan indiyədək İrlandiyada 88 439 nəfər koronavirusa yoluxub, 2 213 xəstə isə vəfat edib.