Baş prokuror Kamran Əliyev kadr dəyişikliyi edib.
AzNews.az xəbər verir ki, onun imzaladığı əmrlə Abşeron Rayon prokuroru Rahib Seyidov 5 illik müddətin başa çatması ilə əlaqədar işdən azad edilib.
Həmin vəzifəyə Baş Prokurorluqda İstintaq idarəsinin rəis müavini Qabil Qasımov təyin edilib.
Rahib Seyidova isə Baş Prokurorluğun Xüsusi Müsadirə Məsələlərinin Əlaqələndirmə İdarəsinin prokuroru vəzifəsi həvalə edilib.
Qeyd edək ki, Rahib Seyidov prokurorluq orqanlarında tanınmış simadır. O, Abşerondan əvvəl Göygöl, İsmayıllı və Şəkidə prokuror vəzifəsində çalışıb.