Fərman İsmayılovun nəşi Vətənə gətirilib

27 Yanvar 2021 12:01 (UTC+04:00)

Nigeriya sahillərində dəniz quldurlarının hücumu nəticəsində həlak olan azərbaycanlı mühəndis Fərman İsmayılovun cənazəsi Azərbaycana gətirilib.

Mərhumun cənazəsini gətirən Türkiyə Hava Yollarına məxsus təyyarə Heydər Əliyev Beynəlxalq Aeroportuna enib.

10:39

Yanvarın 23-də dəniz quldurlarının Nigeriya sahillərində “Mosart” adlı Türkiyə şirkətinə məxsus Liberiya bayrağı altında üzən gəmiyə hücumu nəticəsində öldürülən azərbaycanlı mühəndis 1976-cı il təvəllüdlü Fərman İsmayılov bu gün dəfn olunacaq.

Məlumata görə, o, Siyəzən rayonu, Qozağacı kənd qəbiristanlığında torpağa tapşırılacaq.

Hazırda F.İsmayılovun cənazəsi Azərbaycana gətirilməsi üçün Türkiyədən yola salınıb.

Qeyd edək ki, hücum zamanı gəminin 19 heyət üzvündən 15-i qaçırılıb, azərbaycanlı mühəndis Fərman İsmayılov isə öldürülüb. Gəmi 3 heyət üzvü ilə Qabonun Port-Gentil Limanına gətirilib. ("Report")

AzNews.az