Gürcüstanın yeni baş naziri Azərbaycana səfər edəcək

22 Fevral 2021 15:30 (UTC+04:00)

“İlk səfərlərimdən biri yaxın və dost ölkəmiz Azərbaycana olacaq”.

AzNews.az xəbər verir ki, bunu Gürcüstanın baş naziri vəzifəsinə namizəd İrakli Qaribaşvili parlamentdə çıxışında deyib.

O, Azərbaycanın Gürcüstanın strateji tərəfdaşı olduğunu bildirib: “Azərbaycanın müdrik rəhbəri cənab İlham Əliyevlə çox yaxşı münasibətlərim var”.

İ.Qaribaşvili Azərbaycanla sərhədlə bağlı danışıqlar aparacağını söyləyib: “İnanıram ki, cənab İlham Əliyev və dost Azərbaycanla birgə dialoq aparıb məntiqli qərar qəbul edəcəyik”.