Rusiyada COVID-19 pandemiyası bu zaman bitəcək

3 Mart 2021 09:38 (UTC+04:00)

Rusiya Səhiyyə Nazirliyinin Həkimlərin Elmi Tibb Cəmiyyətinin baş katibi Andrey Malyavin bildirib ki, ölkədə koronavirus pandemiyası bu ilin ortalarında başa çata bilər.

“Report” xəbər verir ki, bu barədə “Moskva 24” bildirib.

O, əmindir ki, buna vaksinləmənin və əhalinin immunitetinin formalaşmasının köməyi ilə nail olmaq mümkün olacaq.

"Düşünürəm ki, ilin ortalarında praktik olaraq pandemiyaya qalib gələcəyik", - Malyavin qeyd edib.

O xatırladıb ki, kollektiv immunitetin formalaşmasında həm də xəstəliyi simptomsuz formada keçirən xəstələr də iştirak edirlər.

Malyavinin sözlərinə görə, yaxın vaxtlarda insanları infeksiya ilə birbaşa mübarizə üçün antivirus preparatının yaranmasını gözləmək lazım deyil.

Daha əvvəl Rusiya baş nazirinin müavini Tatyana Qolikova bildirib ki, ölkədə koronavirusdan kollektiv immunitet 2021-ci ilin avqustuna yarana bilər.

AzNews.az