Türkiyənin xarici işlər naziri Mövlud Çavuşoğlu sosial şəbəkə hesabında maraqlı paylaşım edib.
AzNews.az xəbər verir ki, XİN rəhbərinin təyyarədə səyahət edərkən çəkilmiş videosunda tanınmış mərhum müğənni Müslüm Gürsesi dinlədiyi aydın olur.
“Sənin üçün darıxırıq. Məkanın cənnət olsun”, - xarici siyasət idarəsinin rəhbəri paylaşımının şərh bölməsində qeyd edib.
M.Çavuşoğlu Müslüm Gürseslə bağlı bir xatirəsini də bölüşüb.
Qeyd edək ki, bu gün tanınmış müğənninin anım günüdür. 3 mart 2013-cü ildə o, uzun sürən xəstəlikdən sonra vəfat edib.