Mehriban Əliyeva “Ülviyyət” mükafatına layiq görüldü

14 İyun 2013 09:06 (UTC+04:00)
Azərbaycanın birinci xanımı, Heydər Əliyev Fonunun prezidenti Mehriban Əliyeva "Ülviyyət" ictimai mükafatına layiq görülüb.

APA-nın məlumatına görə, bu barədə Ailə, Qadın və Uşaq Problemləri üzrə Dövlət Komitəsinin sədri Hicran Hüseynova Azərbaycan Qadınlarının IV Qurultayında bildirib.

H. Hüseynova deyib ki, M. Əliyeva qadın ictimaiyyəti tərəfindən gələn çoxsaylı arzu və təkliflər nəzərə alınaraq bu mükafatına layiq görülüb.

H. Hüseynova qeyd edib ki, ülviyyət M. Əliyevanın humanist missiyasının ayrılmaz parçasıdır: "Mehriban Əliyeva ölkənin gələcəyi üçün böyük sədaqət və tükənməz sevgi ilə çalışır. Buna əsasən də Mehriban Əliyeva Azərbaycan qadınları tərəfindən "Ülviyyət" ictimai mükafatına layiq görülür. Ona uzun ömür, can sağlığı, səmərəli fəaliyyətinə sonsuz uğurlar arzulayırıq".

AzNews.az