Nəqliyyatda müxtəlif növ ödəniş imkanları yaradılacaq

6 Aprel 2021 12:16 (UTC+04:00)

Azərbaycanın nəqliyyat sistemində qurulan infrastruktur gələcəkdə bütün təmassız ödəniş formalarını qəbul etməyə imkan yaradacaq.

Bunu "Baku Transit Forum 2021 Smart City" adlı beynəlxalq tədbirdə çıxış edən Azərbaycan Beynəlxalq Bankının İdarə Heyətinin sədrinin müavini Elmir Həbibullayev deyib.

Onun sözlərinə görə, hazırda Bakı-Sumqayıt istiqamətində hərəkət edən elektrik qatarlarında gediş haqqının təmassız ödənişinin təşkili layihəsi üzrə görülən işlər genişləndirilir: "Stansiyalar artıq validatorlarla təmin olunub və hazırda qurulan infrastruktur istənilən təmassız kart vasitəsilə gediş haqqını ödəməyə imkan yaradacaq. Hazırda bu istiqamətdə sınaqlar aparılır. Əsas məqsədimiz bu istiqamətdə ekosistemin yaradılmasıdır. Yəni bir deyil, müxtəlif növ ödənişlərin həyata keçirilməsini mümkün etməkdir". (APA-Economics)