Yorğunsunuz yoxsa... - GİZLİ TƏHLÜKƏ

2 May 2021 11:41 (UTC+04:00)

Bədənin patoloji tükənməsini yorğunluqdan ayırd edə bilmək üçün bir neçə əlamət var.

Aznews.az xəbər verir ki, bu barədə ingilis dietoloq Klarisa Lener danışıb.

Mütəxəssisin sözlərinə görə, tükənmişlik sindromunun əsas əlaməti əhval-ruhiyyənin dəyişməsidir. Bu, özünəqapanma, narahatlıq, depressiya şəklində özünü göstərə bilər. Narahatlıq yaradan başqa bir səbəb yaxşı yuxudan sonra yorğunluğun keçməməsidir. Yorğunluq zehni pozğunluq və konsentrasiya problemi ilə müşayiət edilə bilər.

Yuxarıda göstərilənlərə əlavə olaraq, mütəxəssis dəriyə diqqət yetirməyi məsləhət görür: quru və solğun olarsa, həddindən artıq iş yüklənməsinin əlaməti ola bilər. Çəkinin kəskin dəyişməsi də tükənməyi göstərir. Tükənmişliyin müalicəsi digər xəstəliklərin müalicəsi qədər vacib və məsuliyyətli məsələdir./publika.az/