Rusiya XİN-in rəsmisi yuxarıda qeyd olunan məsələ barədə razılığın Rusiya, Azərbaycan və Ermənistan liderlərinin üçtərəfli bəyanatlarında qeyd olunduğunu xatırladıb.
“Bu istiqamətdə işləri aparmaq üç ölkənin Baş nazirlərinin müavinlərinə tapşırılıb. Üç ölkənin mütəxəssisləri tərəfindən kommunikasiyaların bərpa olunması üçün vacib tədbirlərin görülməsi ilə bağlı ekspert analizi aparılıb. Bu, prinsipcə yaxın perspektivdə birgə infrastruktur layihələrinin mərhələli şəkildə həyata keçirilməsinə icazə verəcək. Ümid edirik ki, işçi qrup yaxın vaxtlarda öz fəaliyyətini liderlərin üçtərəfli bəyanatlarına müvafiq olaraq bərpa edəcək”, - deyə M. Zaxarova vurğulayıb.
O, bununla yanaşı, Azərbaycan-Ermənistan dövlət sərhədinin ayrı-ayrı məntəqələrində baş verən gərginliklərin ümumi fonun normallaşmasına yardım etmədiyini də qeyd edib: “Tərəfləri təmkinli olmağa, gərginliyin deeskalasiyasına və ziddiyyətlərin sülh və danışıqlar yolu ilə həllinə çağırırıq”.