Fiziki şəxslər üzərindən xaricdən Azərbaycana daxil olan və ölkədən xaricə çıxan pul köçürmələrində əsas ölkələr Rusiya və Türkiyədir.
AzNews.az xəbər verir ki, bu barədə iqtisadçı ekspert Rövşən Ağayev məlumat verib. O qeyd edib ki, Mərkəzi Bankın açıqladığı tədiyyə balansı statistikasına görə, 2021-ci ilin ilk rübündə Rusiya Azərbaycana göndərilən pulların həcminə görə, Türkiyə isə Azərbaycandan göndərilən pulların həcminə görə 1-ci ölkə olub:
"Həmin dövrdə ölkəyə gələn pul köçürmələrinin 52%-i Rusiyanın, ölkədən çıxan pulların isə təxminən 28%-i Türkiyənin payına düşüb.
Mütləq ifadədə Rusiyadan 120 mln. dollar gəlib, Türkiyəyə 33.5 mln. dollar köçürülüb".