Xəbər verildiyi kimi, bu gün bir çox bölgələrdə güclü yağış müşahidə olunub. Gəncədə yağış suları evlərə dolaraq fəsadlar da törədib. Gədəbəydə bir nəfərin sel sularına düşərək öldüyü xəbəri verilib.
Aznews.az-ın bölgədə olan müxbiri Göranboy rayonunun Aşağı Ağcakənd qəsəbəsində də güclü yağışın yağdığını bildirib. Qəsəbədən keçən Qaraçay çayı sel suları nəticəsində güclü axmağa başlayıb. Qəsəbədə elektrik enerjisinin verilməsində fasilə yaranıb.