Bağdadda məscid partladıldı: 12 ölü

23 İyun 2013 08:29 (UTC+04:00)

Bağdadın şimalında terrorçu kamikadze partlayış törədib. APA-nın "BBC"yə istinadən verdiyi xəbərə görə, terror aktı nəticəsində ən azı 12 nəfər ölüb, 25 nəfər isə yaralanıb.

Hücum İraq paytaxtının mərkəzindən 30 km şimalda, axşam namazı vaxtı törədilib.

Qeyd edək ki, son zamanlar İraqda məscid, restoran və bazar kimi obyektlərə edilən hücumların sayı xeyli artıb.

İyunun 18-də başqa bir məsciddə törədilmiş partlayış nəticəsində 15 nəfər ölüb. On iki gün ərzində isə İraqın 8 şəhərində avtomobillərdə quraşdırılmış partladıcılar işə salınıb.

AzNews.az