"Özünə xəsarət yetirən qadın barəsində heç bir inzibati, cinayət icraatı yoxdur"

14 Noyabr 2021 12:50 (UTC+04:00)

"İorina Natalya Vyaçeslavovna barəsində heç bir inzibati, cinayət icraatı yoxdur. Onun özünə xəsarət yetirməsinin qarşısını almaq məqsədilə polis şöbəsinə dəvət olunaraq, həkim nəzarətinə verilib".

Bu barədə DİN Mətbuat Xidmətinin şöbə rəisi, polis mayoru Elşad Hacıyev bildirib.

"Hazırda sağlamlıq vəziyyəti sabitdir. Bu saatlarda yaşadığı ünvana göndərilməsi təmin olunacaqdır. Onun siyasi baxışlarına görə saxlanılması ilə bağlı sosial şəbəkə seqmentlərində yayılan iddialar əsassızdır. Onu narahat edən hallarla bağlı araşdırmalar davam etdirilir", - nazirliyin şöbə rəisi əlavə edib.