Çindən Gürcüstana ilk yük qatarı yola düşüb

5 Dekabr 2021 16:10 (UTC+04:00)

Çindən Gürcüstana ilk müntəzəm yük qatarı yola düşüb.

Aznews.az xəbər verir ki, bu barədə Gürcüstan Xarici İşlər Nazirliyi məlumat yayıb. Tədbirdə iştirak edən Gürcüstanın Çindəki səfiri Arçil Kalandi konteyner qatarlarının hərəkətinin həm Gürcüstan, həm də Avropa istiqamətində müntəzəm hala gətiriləcəyini deyib. Səfir bunun strateji əhəmiyyəti olan Transxəzər Beynəlxalq Nəqliyyat Dəhlizi layihəsinin inkişafına töhfə verəcəyini və Gürcüstanı regional ticarət, nəqliyyat və logistika habına çevirəcəyini bildirib.