Ən bahalı şirkət hansıdır?

27 İyun 2013 10:06 (UTC+04:00)
"The Wall Street Journal" nəşrinin hesablamalarına əsasən, hazırda "Google" dünyanın ən bahalı texnologiya şirkətidir.

Nəşrin jurnalisti qeyd edib ki, bu il iyun ayının sonuna olan vəziyyətə görə "Apple" şirkətinin kapitallaşdırma dəyəri 378 milyard dollar, "Google"-da isə 286 milyard dollar təşkil edir. Lakin hər iki firmanın bank hesablarında olan nağd pulu da sözügedən hesaba daxil etmək lazımdır.

Belə ki, "Apple" şirkətində bank hesabında 145 milyard dollar, "Google"-da isə 45 milyard dollar toplanılıb. "The Wall Street Journal" nəşrinin jurnalisti Rolf Vinklerin məntiqinə əsasən, bu məbləği yuxarıda qeyd ediləndən çıxmaq lazımdır. Nəticədə "iPhone" istehsalçısı 233 milyard dollar, internet nəhəngi isə 241 milyard dollar dəyərində qiymətləndirilə bilər./ictnews/

AzNews.az