Cavanlığı uzatmaq üçün 7 üsul

9 Mart 2022 18:20 (UTC+04:00)
Gənclik və cavanlığı daha uzun ömürlü etmək, gec qocalmaq üçün nədən imtina etmək lazımdır?

ABŞ həkimi Tomi Mitçell gənclik aktivliyini qorumaq üçün 7 tövsiyə verib.

Həkim ilk növbədə aşırı şəkər, şirniyyat qəbulunu azaltmağı, hətta şəkərdən imtina etməyi məsləhət görüb.

“Şəkər dərini qocaldır, ləkə, qırış və sallanma yaradır. Şəkər ürək-damar xəstəliklərini artırır”.

İkincisi normal yuxu almaqdır. İnsan gün ərzində 7-8 saat gecə yuxusu yatmalıdır. Yatmayan şəxslərin orqanizmində stres hormonu çox olur, bu da vaxtından əvvəl qocalmaq deməkdir.

İdman, fiziki aktivlik, masaj, gimnastika da stresi azaldır, qan dövranını artırır, əzələləri tonusda saxlayır.

Eləcə də gec qocalmaq üçün gündə 7-8 stəkan təmiz su içilməlidir. Bu ən vacibidir.

Orqanizmdə su çatışmayanda dəri quruyur.

Gündəlik qidalanmada hər gün antioksidantlarla zəngin qırmızı və yaşıl meyvə-tərəvəz yeyilməlidir.

Ət isə yağsız quzu əti, toyuq və ya hindquşu əti faydalıdır.

Mağazada satılan yarımfabrikat qidalardan və ət məhsullarından birdəfəlik imtina edin.