Tacikistan prezidenti Kəmaləddin Heydərovla görüşdü
2 İyul 2013 09:42 (UTC+04:00)
Tacikistan Prezidenti Emomali Rahmon Düşənbədə Azərbaycanın fövqəladə hallar naziri, general-polkovnik Kəmaləddin Heydərovla görüşüb. Bu barədə "Avesta" informasiya agentliyi dövlət başçısının mətbuat xidmətinə istinadən xəbər verir.
Tərəflər fövqəladə vəziyyətlərin aradan qaldılması və xilasetmə xidmətlərinin fəaliyyətlərinin təkmilləşdirilməsi üzrə qarşılıqlı təcrübə mübadiləsi məsələlərini müzakirə ediblər.
Habelə təbii fəlakətlərin nəticələrinin aradan qaldırılmasına və sahənin yüksəkixtisaslı mütəxəssislərinin hazırlanmasına maddi-texniki yardımların göstərilməsi məsələlərinə toxunulub.
Həmsöhbətlər, həmçinin müxtəlif qarşılıqlı sərfəli sahələrdə Tacikistanla Azərbaycan arasında əməkdaşlığın hazırki vəziyyətini və perspektivlərini müzakirə ediblər.
Görüşdə ticari-iqtisadi əməkdaşlıq üzrə Tacikistan-Azərbaycan hökumətlərarası komissiyasının fəaliyyətinin aktivləşdirilməsinin vacibliyi də qeyd olunub.//trend//
AzNews.az