ABŞ-ın Milli Kosmik Agnetliyi (NASA) Ceyms Uebb (James Webb) teleksopu tərəfindən göndərilən növbəti rəngli fotoları yayımlamağa davam edir. Tam rəngli və yüksək pikselli yeni şəkillərdə Cənubi Halqa Nebulası, Karina Nebulası və Stefan Beşliyinə aid fotolar paylaşılıb.
Bu barədə Aznews.az ABŞ-ın Milli Kosmik Agnetliyinin (NASA) rəsmi saytına istinadən xəbər verir.
NASA tərəfindən paylaşılan bu görüntüdə mərkəzdəki sönük ulduz minlərlə ildir ki, bütün istiqamətlərə qaz və toz halqaları göndərir və NASA-nın Ceyms Uebb Kosmik Teleskopu ilk dəfə olaraq bu ulduzun tozla örtüldüyünü aşkar edib. Uebb-in göyərtəsindəki iki kamera "Cənubi Halqa Nebulası" kimi tanınan bu planetar dumanlığın ən son şəklini çəkib.O, təxminən 2500 işıq ili uzaqlıqdadır.
Gördüyünüz ikinci fotoda NASA-nın Ceyms Uebb Kosmik Teleskopu "Stefan beşliyi"ni yeni işıqda ortaya qoyur. Bu nəhəng mozaika Ayın diametrinin təxminən beşdə birini əhatə edən Uebbin bu günə qədər ən böyük şəklidir. O, 150 milyondan çox piksel ehtiva edir və demək olar ki, 1000 ayrı şəkil faylından qurulub.
Parıldayan ulduzlarla bəzədilmiş bu “dağlar” və “dərələr” mənzərəsi əslində "Karina Nebulası"nda NGC 3324 adlı yaxınlıqdakı gənc, ulduz əmələ gətirən bölgənin kənarıdır. NASA-nın yeni Ceyms Uebb Kosmik Teleskopu tərəfindən infraqırmızı işıqda çəkilən bu görüntü ilk dəfə olaraq ulduzların doğuşunun əvvəllər görünməyən sahələrini ortaya qoyur.
Nuray