Rusiya və Ukrayna arasında bu gün hərbi əsirlərin dəyişdirilməsi prosesi baş tutacaq.
Aznews.az APA-ya istinadən xəbər verir ki, bu barədə qondarma "Donetsk Xalq Respublikası"nın “başçısının” səlahiyyətlərini icra edən Denis Puşilin öz “Telegram” kanalında bildirib/
“Bu gün rəsmi Kiyevlə daha bir mübadilə aparılacaq. Ukrayna Silahlı Qüvvələrinin 50 hərbçisini veririk və əvəzində 50 rus hərbçisini qaytarırıq. Əsirlikdən azad olunan 12 hərbçi “Donetsk Xalq Respublikası”na, 8-i “Luqansk Xalq Respublikası”na aiddir", - o qeyd edib.