Yeniyetmə qızı zorlayıb tabutda gizlətdilər

28 İyul 2013 07:21 (UTC+04:00)
ABŞ-ın Los Anceles şəhərində itən 15 yaşlı qız, 120 santimetrlik tabutda tapılıb. ANS PRESS xarici mətbuata istinadən xəbər verir ki, balaca qız onu cinsi istismar edən cütlüyün əlindən sağ qurtulub.

Polis Ryan Balletto ilə Patrik Pearman adlı ər-arvadın fermasına basqın edib. Axtarış zamanı qız fermadakı uzunluğu 120, hündürlüyü 60 santimetr olan metal qutunun içində sağ tapılıb.

Balacanın 3 gündür tabutu xatırladan metal qutuda saxlandığı və cinsi istismara məruz qaldığı məlum olub. Ryan Balletto və Patrick Pearman cütlüyü həbs olunub.

15 yaşlı qız isə psixoloji müalicə alması üçün klinikaya aparılıb. Səlahiyyətlilər ferma sahibi cütlüyün başqa qurbanlarının da olmasından şübhələnirlər.

AzNews.az