ABŞ Ankarada Daxili İşlər Nazirliyinin binası yaxınlığında törədilən terror aktını pisləyir. Aznews.az xəbər verir ki, bu barədə ABŞ dövlət katibi Entoni Blinkenin X sosial şəbəkəsində (keçmiş Twitter) dərc olunmuş bəyanatında deyilir.
"Birləşmiş Ştatlar Ankarada Türkiyənin Daxili İşlər Nazirliyinə bu gün törədilən hücumu pisləyir. Zərərçəkənlərin tezliklə sağalmasını arzulayırıq", - bəyanatda deyilir.
Blinken əmin edib ki, Birləşmiş Ştatlar “bütün formalarda terroru rədd edir” və NATO tərəfdaşı olan Türkiyə ilə həmrəylik ifadə edir.