Ekspert əlavə edib ki, namizədlərin təşviqatı üçün İctimai TV/Radio ilə yanaşı bir neçə rəsmi dövlət qəzetində ödənişsiz imkanlar yaradılıb: “Biz görürük ki, namizədlər bu imkanlardan da heç bir problemsiz, bərabər şərtlər çərçivəsində istifadə edirlər. Ümumilikdə götürəndə isə istər MSK, istərsə də dövlətin bütün mexanizmləri maksimum səy göstərir ki, hər bir namizəd bərabər şəkildə təşviqatını qura bilsin. Bu isə ondan xəbər verir ki, seçkinin alternativ əsaslarla, vətəndaşın iradəsinə kənar müdaxilə olmadan təşkili dövlətin öncəliyidir. Elə o baxımdan da media istər ödənişsiz, istərsə də ödənişli təbliğat məsələlərində heç bir ayrıseçkiliyə yol vermir”.
Azər Həsrət qeyd edib ki, indiyə qədər heç bir milli və ya beynəlxalq qurum medianın seçki kampaniyasında iştirakı ilə bağlı hər hansı narahatlıq ifadə etməyib: “Çünki narahtlığa səbəb yoxdur. Belə bir şəraitdə seçkiyə getmək bizləri çox sevindirir”.