Microsoft-un vitse-prezidenti öldü - Foto
10 Avqust 2013 11:30 (UTC+04:00)
ABŞ-ın Konnektikut ştatında yaşayış binalarının üstünə düşmüş təyyarənin pilotu Microsoft korporasiyasının vitse-prezidenti Bill Heninqsraaddır.
Milli.Az Microsoftalumni-yə istinadən bildirir ki, korporasiyada 14 il çalışan, lisenziyalaşdırma və qiymət siyasəti üzrə vitse-prezident B.Heninqsraad İst-Heyven şəhərinin səmasında olanda təyyarə üzərində idarəetməni itirib.
Qəzaya uğramış təyyarə Ellumax Leasing, LLC şirkətinə məxsusdur.
İst-Heyven şəhərində yaşayış binasının üzərinə düşən təyyarənin partlaması nəticəsində yanğın baş verib.
Hadisədə 6 nəfərin həlak olduğu vurğulanır.
Həlak olanlar arasında 1 və 13 yaşlı uşaqlar da var.
AzNews.az