Sabah Bakıda gəzməli hava olacaq

10 Avqust 2013 12:50 (UTC+04:00)
İstirahət günü Azərbaycan ərazisində hava sabitləşəcək, əsasən yağmursuz hava şəraiti hökm sürəcək.

Bu barədə Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.

Bakıda və Abşeron yarımadasında avqustun 11-da havanın dəyişkən buludlu keçəcəyi, arabir tutulacağı gözlənilir. Gün ərzində əsasən yağmursuz keçəcək. Gündüz şimal-qərb küləyi cənub küləyi ilə əvəzlənəcək.

Bakıda və Abşeron yarımadasında havanın temperaturu gecə 18-23, gündüz 27-32 dərəcə isti olacaq.

Azərbaycanın rayonlarında avqustun 11-da əsasən yağmursuz olacaq, lakin gecə və səhər saatlarında Böyük Qafqaz ərazilərində şimşək çaxacaq, qısamüddətli yağış yağacaq.

Aran rayonlarında havanın temperaturu gecə 18-23, gündüz 30-35 dərəcə, dağlıq ərazilərdə gecə 8-13, gündüz 19-24 dərəcə isti olacaq.

AzNews.az