Avropa İttifaqı və BMT-nin İnkişaf Proqramı "Azərbaycanda innovasiya əsaslı və dayanıqlı vətəndaş cəmiyyətinin inkişafı” layihəsi çərçivəsində Qadın və Uşaqların Təhsilinə Dəstək İctimai Birliyinin "Ucqar kəndlərdəki abituriyentlər üçün rəqəmsal təhsil və mentorluq proqramı" təşəbbüsü davam etməkdədir.
Təşəbbüsün fəaliyyət proqramına uyğun olaraq, Beyləqan, Qusar və Lerik rayonlarında növbəti tədbir baş tutub. Tədbiri Birliyin rəhbəri Sevinc Fədai açıq elan edərək, orta təhsil pilləsi üzrə buraxılış imtahanlarına hazırlaşan abituriyentlərlə bu istiqamətdə söhbət aparıb və uğurlar diləyib. O, həmçinin, şagirdləri təşəbbüs proqramının növbəti mərhələləri barədə məlumatlandırıb.