Hərbi Dəniz Qüvvələri komandanının İrana səfəri baş tutmadı
20 Avqust 2013 07:40 (UTC+04:00)
Azərbaycan Hərbi Dəniz Qüvvələrinin komandanı, vitse-admiral Şahin Sultanovun İrana səfəri baş tutmayıb.
APA-nın İRİB-ə istinadən verdiyi məlumata görə, səfər Azərbaycan Müdafiə Nazirliyi tərəfindən ləğv edilib.
Ancaq nazirlik bununla bağlı heç bir rəsmi açıqlama verməyib.
Qeyd edək ki, Ş. Sultanov avqustun 18-də İran Hərbi-Dəniz Qüvvələrinin komandanı, kontr-admiral Həbibullah Səyyarinin dəvəti ilə qonşu ölkəyə üçgünlük səfər etməli idi.
Səfərdə məqsəd İranla Azərbaycan arasında dənizdə əməkdaşlığı inkişaf etdirməkdi.
Ş. Sultanovun səfər çərçivəsində İran Hərbi-Dəniz Qüvvələrinin bazalarına baxış keçirməsi də planlaşdırılmışdı.
AzNews.az