İlham Mirzəyev iflic ola bilər

21 Avqust 2013 08:17 (UTC+04:00)

"Space" telekanalında "Etiraf" verilişinin aparıcısı İlham Mirzəyevin səhhətində problem yaranıb.

AzNews.az-ın məlumatına görə, o, səhhətindəki problemlə əlaqadar Türkiyəyə müalicəyə gedir. Bu barədə İ.Mirzəyev sosial şəbəkədəki hesabında yazıb:

"İyun ayında mənə hücum olmuşdu. Bu ağır zərbənin psixoloji sarsıntısı təbii ki, keçmir. Aldığım xəsarət indi də özünü göstərir. Boyun nahiyəmdəki bıçaq yarası boynumda deformasiya yaradıb və iflic olma dərəcəsinə gətirib çıxarmaq üzrədir. Türkiyədə müalicə almalıyam. Bir müddət burada olmayacağam. Çox çətin şəraitdə proqramlarımı çəkdim və sizə xəstə olduğumu bildirmədim".

Bahar Rüstəmli
AzNews.az