Əli Əliyev 10 min imza toplayıb

22 Avqust 2013 14:10 (UTC+04:00)

Vətəndaş və İnkişaf Partiyasının (VİP) sədri, prezidentliyə namizəd Əli Əliyevin imzatoplama kampaniyası davam edir.

AzNews.az xəbər verir ki, Ə.Əliyevin Seçki Qərargahından təqdim olunan məlumata əsasən, avqustun 16-da başlayan imzatoplama kampaniyası ölkə üzrə 90-dan artıq seçki dairəsini əhatə edir.

Seçki Qərargahı Ə.Əliyevin namizədliyinin qeydə alınması üçün tələb olunan imzaların minimum 100 seçki dairəsindən toplanmasını nəzərdə tutur.

Avqustun 21-nə olan məlumata görə, Ə.Əliyevin Seçki Qərargahına artıq 10 mindən artıq imza təqdim olunub və yoxlanılaraq təsdiqlənib.

Ə.Əliyevin Seçki Qərargahı imzatoplama kampaniyasının gedişatı ilə əlaqədar medianı müntəzəm məlumatlandıracaq.

Azər