Həbsdəki İlqar Məmmədovun yanına notarius getdi

23 Avqust 2013 11:14 (UTC+04:00)

REAL hərəkatının həbsdə olan sədri İlqar Məmmədov bu gün Bakı İstintaq Təcridxanasında prezidentliyə namizədliyi üçün Mərkəzi Seçki Komissiyasına təqdim olunacaq etibarnaməni imzalayıb.

Bu barədə AzNews.az-a hərəkatın icra katibi Natiq Cəfərli məlumat verib. O bildirib ki, İ.Məmmədovun Mərkəzi Seçki Komissiyasında səlahiyyətli nümayəndəsi REAL-ın İdarə Heyətinin üzvü, vəkil Xalid Bağırovdur. Etibarnamə də məhz onun adına verilib.

Qeyd edək ki, İ.Məmmədov bu il fevralın 4-də həbs olunub. O, İsmayıllıda kütləvi iğtişaşların təşkilində günahlandırılır. REAL hərəkatı onu prezidentliyə namizəd irəli sürüb və avqustun 20-də sənədlər MSK-ya təqdim olunub.

AzNews.az