Avropa İttifaqının (AB) Suriyada Bəşər Əsədin rəhbərlik etdiyi rejimə qarşı tətbiq etdiyi bəzi sanksiyaların dayandırılmasını müzakirə edəcəyi bildirilib.
Aİ-nin yüksək səviyyəli rəsmisindən alınan məlumata görə, mayın 20-də bir araya gələcək Aİ xarici işlər nazirləri Suriyaya qarşı sanksiyaların dayandırılması ilə bağlı da müzakirələr aparacaqlar.
Konkret qərarın yekdilliklə qəbul ediləcəyi gözlənilən görüş üçün texniki səviyyədə müzakirələr davam edir.
Digər tərəfdən, Avropa mətbuatı iclasa sədrlik edəcək Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallasın nazirlərə ölkənin yenidən qurulması və miqrasiya kimi sahələrə cavabdeh olan nazirliklərə vəsait ayrılmasını təklif etdiyini yazır.
Məlumat verilmiş yüksək rütbəli məmur vurğulayıb ki, sanksiyalar “qaldırılmayacaq”, sadəcə olaraq “dayandırılacaq” və ölkədəki hadisələrin gedişindən asılı olaraq geri qaytarıla bilər.
Bu həftənin əvvəlində Səudiyyə Ərəbistanına rəsmi səfər edən ABŞ prezidenti Donald Tramp Suriyaya qarşı sanksiyaları ləğv edəcəklərini açıqlayıb.
Mövsüm
Aznews.az