Səddam Hüseynin əfsanəvi tüfəngi auksiona çıxarılıb

2 Sentyabr 2013 20:19 (UTC+04:00)

İraqın devrilmiş prezidenti Səddam Hüseynin əfsanəfi Ruger M77 tüfəngi ABŞ-da auksiona çıxarılıb.

Auksion evinin saytında ilkin qiyməti $7,5- $15 min dollar göstərilib. Satış 13-15 sentyabr aralığında həyata keçiriləcək.

Tüfəng 1988-ci ildə ABŞ-da hazırlanıb və ehtimal ki, Səudiyyə Ərəbistanının kral ailəsinin üzvü tərəfindən Səddam Hüseynə hədiyyə edilib. Tüfəngin lüləsinə Səddamın adı və hədiyyə edilən tarix oyulub – 16 yanvar 1993-cü il.

Tüfəng 2004-cü ilin martında Bağdadda Prezident Sarayı zəbt edildikdən sonra ələ keçib və ABŞ Mərkəzi Kəşfiyyat İdarəsinə təhvil verilib.(musavat.com)