Yaponiyanın Mito şəhərinin (İbaraki prefekturası) mərkəzində naməlum şəxs insanlara bıçaqla hücum edib, nəticədə azı 4 nəfər yaralanıb.
NHK telekanalının verdiyi məlumata görə , hücum edən şəxs hadisə yerində saxlanılıb.
"Mito şəhərinin mərkəzində küçədə bir nəfər yoldan keçənləri bıçaqlayıb. Yanğınsöndürmə xidmətinin məlumatına görə, dörd nəfər xəsarət alıb, ikisi ağır yaralanıb", - nəşr yazıb.
İlkin məlumatlara görə, zərərçəkənlərin həyatı üçün təhlükə yoxdur. Polis hücumçunun motivlərini müəyyənləşdirir. Ehtimal olunur ki, saxlanılan şəxs tanımadığı şəxslərə təsadüfi hücum etmiş ola bilər.
Mövsüm,
AzNews.az