DİN ölən məktəb direktoru ilə bağlı məlumat yaydı

6 Sentyabr 2013 11:39 (UTC+04:00)
Daxili İşlər Nazirliyi məktəb direktorunun ölümü ilə bağlı məlumat yayıb.

APA-nın nazirliyin saytına istinadən verdiyi məlumata görə, sentyabrın 5-də Zərdab rayonu ərazisindəki su kollektorunda, rayonun Fəhlə qəsəbə sakini Adil Nuriyevin üzərində zorakılıq əlamətləri görünməyən suda boğulmuş meyiti tapılıb.

Faktla bağlı araşdırma aparılır.

Qeyd edək ki, 1950-ci il təvəllüdlü Nuriyev Adil Dadaş oğlu Zərdabın Bəyimli qəsəbəsi tam orta məktəbinin direktoru olub. Avqustun 5-də A. Nuriyevin yaxınları onun itkin düşməsi ilə bağlı polisə məlumat veriblər. Aparılan əməliyyat-axtarış tədbirləri nəticəsində bu gün saat 16:00 radələrində A. Nuriyevin meyiti rayon ərazisindən keçən su arxından tapılıb.

AzNews.az