Nazirlik 71 təşkilata 1,5 milyon manat ayırdı
6 Sentyabr 2013 19:15 (UTC+04:00)
Gənclər və İdman Nazirliyi gənclər təşkilatlarının layihələrinin qismən maliyyələşdirilməsi ilə bağlı müsabiqənin nəticələrini açıqlayıb. Nazirliyin mətbuat xidmətindən Lent.az-a verilən məlumata görə, müsabiqəyə 113 təşkilat layihə təqdim edib.
Onların ümumi büdcəsi 3.626.090,05 manat, Gənclər və İdman Nazirliyindən istənilən məbləğ isə 3.237.959,29 manat təşkil edib. Layihələrdən 2-i müsabiqənin mövzularına uyğun gəlmədiyindən, 8 təşkilat isə gənclər təşkilatı olmadığından həmin təşkilatların layihələrinə baxılmayıb.
102 gənclər təşkilatının layihələri müsabiqənin şərtlərinə uyğun olaraq təhlil edilib və nəticədə 71 gənclər təşkilatının layihəsinin qismən maliyyələşdirilməsinə qərar verilib. Maliyyələşdirilən layihələrin ümumi büdcəsi 1.525.567 manat təşkil edir.
AzNews.az