“Kamandan oxatma yarışlarında güclü rəqiblər iştirak edirdi. Qızıl medal qazandığım üçün özümü xoşbəxt hiss edirəm. Növbəti hədəfim Olimpiya Oyunlarıdır”.
Bu sözləri APA-nın Qarabağ bürosunun əməkdaşına müsahibəsində Xankəndidə keçirilən kamandan oxatma üzrə fərdi yarışlarda qızıl medal qazanan Özbəkistan idmançısı Bekzod Boborajabov deyib.
O, həmçinin yarışların təşkilindən razılığını ifadə edib: "Bizi burada xoş qarşıladılar. Xankəndinin havasını, mətbəxini çox bəyəndim".