Rusiyanın 336-cı Əlahiddə Qvardiya Dəniz Piyada Briqadasının şəxsi heyətinin yerləşdiyi Şaxovo kəndindəki hücum bölməsinin cəmləşmə məntəqəsi də zərbələrə məruz qalıb. Bölmənin məqsədi Pokrovski şimaldan mühasirəyə almaq idi. Xüsusi əməliyyat qüvvələrinin bir neçə dronu içəridə əsgərlərin olduğu binaya zərbə endirib.
Sontsevkada 90-cı Qvardiya Tank Diviziyasının 6-cı Qvardiya Tank Alayının hücum dronları üçün müvəqqəti baza və sursat anbarı məhv edilib. Hücum nəticəsində həmçinin düşmənin şəxsi heyəti məhv edilib.
Pokrovsk hücumunda iştirak edən bölmələr üçün logistika mərkəzi kimi istifadə edilən Dokuçayevskdəki sursat anbarı da zərbələrə məruz qalıb.
Rıbinskoye kəndində "Vostok" qruplaşmasının maddi-texniki təminat obyektləri məhv edilib.
Rusiya qoşunları tərəfindən istehkamlar, aktiv yük trafiki ilə hərbi bazaya çevrilən keçmiş istehsal və anbar binaları dronların zərbələrinin hədəfi olub.
Qeyd edək ki, Rusiya qoşunları Pokrovsk-Mirnoqrad aqlomerasiyası istiqamətində hücumlarını davam etdirir.
