"Kazmortnasflot" ("Kazmunaygaz"ın (KMG) törəmə şirkəti) şirkətinin icarəyə götürdüyü "Matilda" tankerinə bu gün PUA hücumu nəticəsində partlayış baş verib.
Aznews.az xəbər verir ki, bu barədə KMG-nin mətbuat xidməti Xəzər Boru Kəməri Konsorsiumunun terminalında tankerlə bağlı insidenti şərh edərkən bildirib.
"Tankerin konsorsiumun terminalında Qazaxıstan nefti ilə yüklənməsi yanvarın 18-nə planlaşdırılmışdı. Bu gün tanker dron hücumuna məruz qalıb. Hücum nəticəsində sonradan yanğına çevrilmədən partlayış baş verib. Heyət arasında xəsarət alan olmayıb", - məlumatda qeyd olunur.
İlkin qiymətləndirmələrə görə, gəmi dənizə çıxa biləcək vəziyyətdədir, ilkin baxış zamanı ciddi konstruktiv zədələnmə əlamətləri aşkarlanmayıb.
"Dəymiş ziyan qiymətləndirilir", - məlumatda deyilib.