ABŞ dövlət katibi Marko Rubio Slovakiyanın paytaxtı Bratislavada rəsmi səfərdədir.
Baş nazir Robert Fiko ilə görüşən Rubio birgə mətbuat konfransında çıxış edib.
Rubio heç kimin İranla uğurla razılığa gələ bilmədiyini və ABŞ-ın buna çalışacağını bildirərək əlavə etdi: "Biz yalnız ilahiyyata əsaslanaraq siyasi və geosiyasi qərarlar verən insanlarla iş görürük; bu, mürəkkəb bir vəziyyətdir".
Rubio NATO-dan ayrılmadıqlarını bildirərək , "Biz NATO-dan ayrılmırıq. Ola bilsin ki, bir neçə min əsgərimizi bir ölkədən digərinə köçürmüşük, amma bu, normal bir vəziyyətdir" dedi.
Suriya ilə bağlı qiymətləndirməsinə gəldikdə, Rubio Suriyanın müsbət istiqamətdə irəlilədiyini vurğulayaraq bildirib: “Burada heç kim Suriyanın əhəmiyyətli bir problem ola biləcəyini inkar etməyib. Asan olardımı? Xeyr. Çətin olardımı? Əlbəttə. Yaxşı və pis günlər, enişli-yoxuşlu günlər olacaqdımı? Şübhəsiz. Biz Suriyadakı irəliləyişdən məmnunuq və bu irəliləyişi qoruyub saxlamalıyıq ” .
Slovakiyanın Baş naziri Fiko isə öz növbəsində Ukraynadakı müharibənin hərbi həlli olmadığını vurğulayıb və "Rusiya ilə dialoqa" çağırıb. Fiko bildirib ki, " Biz deyirik ki, Ukrayna bütün lazımi meyarlara cavab verərsə, AB-yə qoşula bilər. Qərbi Balkanlardakı namizəd ölkələr Ukraynadan 100 dəfə daha yaxşı hazırlıqlıdır".
Mövsüm,
AzNews.az