İslam Əməkdaşlıq Təşkilatının (İƏT) Baş Katibliyindən verilən açıqlamada görüşün Fələstin Dövlətinin tələbi ilə keçiriləcəyi bildirilib.
Bəyanatda qeyd olunur ki, görüşdə İsrailin Qərb Şəriyəsində qanunsuz məskunlaşma və ilhaq qərarları müzakirə olunacaq və Fələstin ərazilərinin hüquqi, siyasi və demoqrafik strukturunu dəyişdirməyə və iki dövlətli həlli pozmağa yönəlmiş təcrübələrə qarşı görüləcək tədbirlər qiymətləndiriləcək.
Görüşdə həmçinin bildirilir ki, İsrail hakimiyyət orqanlarının işğal olunmuş ərazilər üzərində "sözdə suverenlik" qurmaq planlarının bir hissəsi olan Qərb Şəriyədəki müəyyən torpaqları "dövlət torpağı" kimi qeydiyyata almaq qərarı da müzakirə olunacaq.
İsrail dövlət televiziyasının məlumatına görə, Təl-Əviv hökuməti 1967-ci ildən bəri ilk dəfə Qərb Şəriyəsində torpaq qeydiyyatı prosesini yenidən başlatmaq qərarına gəlib.
Maliyyə naziri Bezalel Smotriç, ədliyyə naziri Yariv Levin və müdafiə naziri Yisrael Katz tərəfindən təqdim edilən təklif hökumət tərəfindən təsdiqlənib.
Qərarda Qərb Sahilinin təxminən 61 faizini təşkil edən və tam İsrail nəzarəti altında olan C bölgəsindəki torpaqların "dövlət mülkiyyəti" kimi qeydiyyata alınması planlaşdırılır.
Bu prosesə əmlakın qeydiyyatı, satış icazələri və rüsumların yığılması daxildir və eyni zamanda Fələstin Muxtariyyətinin bu ərazilərdəki səlahiyyətlərini faktiki olaraq ləğv edir.
İsrail mediasının məlumatına görə, məqsəd 2030-cu ilə qədər C bölgəsinin təxminən 15 faizini tədricən "qeydiyyatdan keçirmək" dir .
İsrail rəsmiləri bu qərarı "məskunlaşma fəaliyyətlərini gücləndirmək" üçün bir addım kimi müdafiə edir, Fələstin tərəfi və regional ölkələr isə bunu Qərb Sahilinin faktiki olaraq ilhaqına yol açan bir təşəbbüs kimi görürlər.
Mövsüm,
AzNews.az