Prezident yeni səfirlər və konsul təyin etdi

Azərbaycan Respublikasının Prezidenti İlham Əliyev bu gün bir sıra diplomatik təyinat və geri çağırmalar barədə sərəncamlar imzalayıb.

Sərəncamlara əsasən:

• Elmar Eldar oğlu Məmmədov Azərbaycan Respublikasının Bolqarıstan Respublikasında fövqəladə və səlahiyyətli səfiri təyin edilib.
• Cavidan Rizvan oğlu Hüseynov Bəhreyn Krallığında Azərbaycan Respublikasının fövqəladə və səlahiyyətli səfiri vəzifəsinə gətirilib. Eyni zamanda o, Birləşmiş Ərəb Əmirliklərinin Dubay şəhərində Azərbaycan Respublikasının baş konsulu vəzifəsindən geri çağırılıb.
• Kamran Vahid oğlu Məmmədzadə Birləşmiş Ərəb Əmirliklərinin Dubay şəhərində Azərbaycan Respublikasının baş konsulu təyin edilib.

Bütün sərəncamlar Azərbaycan Respublikası Konstitusiyasının 109-cu maddəsinin 15-ci bəndinə əsasən verilib.

AzNews.az