ABŞ və İsrailin fevralın 28-də İrana qarşı başlatdığı və Tehranın cavab hücumları ilə davam edən qarşıdurmalar sürür.
ABŞ prezidenti Donald Tramp Air Force One təyyarəsindən enərkən hava limanında jurnalistlərə açıqlama verib.
“Çox yaxşı vəziyyətdəyik”
Tramp bildirib ki, İran demək olar ki, “yolun sonuna” gəlib.
“Bu, hər şeyin dərhal bitəcəyi demək deyil, amma vəziyyət belədir”, — deyə o qeyd edib.
O iddia edib ki, İranın donanması, hava qüvvələri və effektiv idarəetmə sistemləri artıq yoxdur və ABŞ qüvvələri ölkə üzərində “sərbəst hərəkət edir”.
Tramp əlavə edib ki, Hörmüz boğazı diqqətlə izlənilir:
“Boğazlar çox yaxşı vəziyyətdədir. Onların bütün gəmilərini batırdıq. Bəzi raketləri var, amma çox deyil. Məncə, çox yaxşı vəziyyətdəyik.”
“Orada nə etdiyini bilən birini görmək istəyirik”
Tramp əsas məqsədin qələbə olduğunu vurğulayıb.
“Mən xəbərləri izləyirəm. Bir çox insan artıq qələbənin qazanıldığını deyir. Sadəcə sual budur: nə vaxt dayanacağıq? Bunun yenidən böyüməsinə imkan vermək istəmirik və ideal olaraq orada nə etdiyini bilən birini görmək istəyirik.”
ABŞ prezidentinin sözlərinə görə, lazım gələrsə Tehranın bəzi bölgələrinə və digər ərazilərə də zərbə endirilə bilər. O bildirib ki, belə bir hücum İranın ölkəni yenidən qurmasını demək olar ki, mümkünsüz edə bilər, lakin ABŞ bunu etmək istəmir.
Tramp iddia edib ki, ABŞ istəsə bir saat ərzində İranın elektrik istehsalı gücünü məhv edə bilər və bunun bərpası İrana təxminən 25 il vaxt apara bilər.
“Buna görə də ideal olaraq bunu etməyəcəyik”, — deyə o əlavə edib.
Mövsüm,
AzNews.az