Milli Şura Hafiz Hacıyevə cinayət işi açılmasını tələb edir - ŞİKAYƏT

20 Sentyabr 2013 08:39 (UTC+04:00)

Bu gün Milli Şura üzvləri Müasir Müsavat partiyasının prezidentliyə namizədi Hafiz Hacıyevin namizədliyinin ləğv edilməsi və onun barəsində cinayət işi açıqlaması tələbi Mərkəzi Seçki Komissiyasına müraciət edəcək.

Bu barədə AzNews.az-a Milli Şuranın prezidentliyə namizədi Cəmil Həsənlinin MSK-dakı nümayəndəsi Gülağa Aslanlı məlumat verib. G.Aslanlı deyib ki, bu gün yaradılmış təşəbbüs qrupu adından H.Hacıyevin namizədliyinin ləğvi və barəsində cinayət işi açılması tələbi ilə MSK-ya yazılı şikayət ərizəsi təqdim edəcəklər.

MŞ rəsmisinin sözlərinə görə, H.Hacıyev Seçki Məcəlləsinin 88.2-ci maddəsininin tələblərini pozub: "Hafiz Hacıyev dünənki debatda milli, irqi, dini ayrı-seçkilik yaradan çıxış edib. Xristian-müsəlman söhbətləri açıb. Bu da Seçki Məcəlləsinin kobud surətdə pozulmasıdır. Biz bununla bağlı nə lazımdırsa, edəcəyik".

Anar
AzNews.az